حفر آبار سايفون وسابتنك جاهز

لكل زول عايز يعمل سايفون

حلقة ومعلومات مهمه عن حفر البير للسايفون

الحفر الالي والحفر اليدوي

وان شاء الله نقدم حاجه الناس تستفيد منها

طيب الفرق بين الحفر الالي والحفر اليدوي .. المميزات والعيوب

الحفر اليدوي هو بير العرب
بجو ناس يحفرو ليك بي الازمة والطوريه وكدا يعني يجو كل يوم يحفرو ليك متر ولا متر ونص ولا اقل علي حسب التربه .. ودا دايماً بشتغلو في المناطق البتكون المويه فيها قريبه. زي الخرطوم جبرة مثلا الاعماق لحدي 10 م ودي معقوله لكن ما ممكن تجي في ام درمان الثورات الاعماق 35 و 38 متر وتجي تقول داير تحفر يدوي .. دي شوية صعبه وفي الاسكان الاعماق 60 متر دي صعبه عدييل. الخلاصة انو الحفر اليدوي للمناطق المويتا قريبة تتحفر البير وتتبني خنزيرة من جوة لمن تصل الموية .. الميزات لي الحفر اليدوي انو التصريف بتاعو كويس احسن من الآلي يعني لو في عمارة من كذا طابق ومن الممكن يتحفر يدوي دا هنا افضل من الاله .. ومن مميزاتو انو بتحمل الضغط الكبير لكن من عيوبو انو بياخد زمن طويل ومكلف جدا.

الحفر بي الاله ..
وزي ما قلنا قبيل دا للمناطق المويتا بعيدة. . شوكة الاله القطر بتاعا 12 بوصه الاله بتحفر لحدي ما تصل مويه الصرف الصحي بعداك بتنزل المواسير ــ بي قطر 8 بوصه لحدي المويه وبتكون في فرقه بين المواسير والحفرة دي بتتملي بي خرصانه سمسميه عشان تثبت المواسير ميزات البير البي الاله انها سريعه وغير مكلفه لكن برضو ما ح تكون بي نفس كفاءة البير المحفورة يدوي من ناحية تصريف
مشكله التصريف دي اتعمل ليها حل عشان الكفاءة لي بير الاله تكون عاليه
الحل شنو الحل انو يتعمل فلتر خرصاني بعد السابتك تنك يحجز ليك الرواسب المتسربه ومن الفلتر تمشي موية صافيه للبير عشان ما تتقفل ..

دارو الهندسيه للحفريات والسابتك تنك



متوفر لدينا حفر آبار السايفون ب الحفاره او الحفر اليدوي .


للتواصل تClick to Show Phone Number 2499078499XX